ໂຮງຮຽນເຕັກນິກ-ວິຊາຊີບແບບປະສົມ ແຂວງເຊກອງ – ສາຂາ ການປຸງແຕ່ງ ແລະ ການບໍລິການ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາປຸງແຕ່ງອາຫານ ແລະ ບໍລິການເຄື່ອງດື່ມ ຄືການຮຽນຮູ້ວິທີການປຸງແຕ່ງອາຫານທີ່ ແຊບ ແລະ ຖືກຕ້ອງຕາມໂພສະນາການ, ຮຽນຮູ້ກ່ຽວກັບການປະສົມເຄື່ອງດື່ມປະເພດຕ່າງໆ ໂດຍເສີມສ້າງແນວຄດສ້າງສັນໃນການສັນສ້າງອາຫານ ແລະ ເຄື່ອງດື່ມຕ່າງໆ.  ການປຸງແຕ່ງອາຫານ ແລະ ການບໍລິການເຄື່ອງດື່ມ ຄືໝາກຫົວໃຈຫຼັກຂອງທຸລະກິດຮ້ານອາຫານ ນອກຈາກການບໍລິການ ແລະ ບັນຍາກາດຂອງສະຖານທີ່ ທີ່ຈະສ້າງຄວາມປະທັບໃຈໃຫ້ກັບແຂກ ລົດຊາດອາຫານ ແລະ ເຄື່ອງດື່ມທີ່ແຊບຊ້ອຍຈະເຮັດໃຫ້ແຂກເພິ່ງພໍໃຈ ແລະ ກັບມາໃຊ້ບໍລິການອີກຄັ້ງ.

ຈຸດປະສົງ :

• ສ້າງໃຫ້ຜູ້ຮຽນຮູ້ມີຄວາມຮູ້, ມີທັກສະອາຊີບ ແລະ ປະສົບການດ້ານທັກສະກ່ຽວກັບການປຸງແຕ່ງ ແລະ ການບໍລິການ.
• ເພື່ອໃຫ້ມີຄວາມສາມາດປະຕິບັດໜ້າທີ່ວຽກງານດ້ານວິຊາສະເພາະຕາມລະດັບຕາມທີ່ຕົນຮຽນຈົບ.

ເງື່ອນໄຂຜູ້ເຂົ້າຮຽນກ່ຽວຂ້ອງ:

• ຕ້ອງຮຽນຈົບມັດທະຍົມຕອນປາຍ ຫຼື ທຽບເທົ່າ

ວິຊາຮຽນທີ່ກ່ຽວຂ້ອງ :

1. ການກະກຽມ ແລະ ການປຸງແຕ່ງອາຫານລາວ
2. ການນຳໃຊ້ເຄື່ອງມື ແລະ ຂະບວນການຕ່າງໆທາງທຸລະກິດ
3. ການປະກອບທຸລະກິດສຳລັບອຸສາຫະກຳການທ່ອງທ່ຽວ ແລະ ບໍລິການ
4. ການນຳໃຊ້ອຸປະກອນສື່ສານສຳລັບກາ່ນທ່ອງທ່ຽວ ແລະ ການບໍລິການທອ່ງທ່ຽວ
5. ການບຳລຸງຮັກສາຄວາມສະອາດ ແລະ ສຸຂະອະນາໄມໃນບ່ອນເຮັດວຽກ
6. ການພັດຖະນາລູກຄ້າທາງດ້ານອຸສະຫະກຳການທ່ອງທ່ຽວ ແລະ ບໍລິການ
7. ການບໍລິການເຄື່ອງດື່ມ,
8. ການເຮັດວຽກກັບເພື້ອນຮ່ວມງານ ແລະ ລູກຄ້າ
9. ການດຳເນີນການປຸງແຕ່ງອາຫານ
10. ການວາງແຜນບໍລິການຈັດສົ່ງອາຫານ ແລະ ການຈັດງານລ້ຽງ
11. ການສ້າງການບໍລິການໃຫ້ແກ່ລູກຄ້າຢ່າງມີປະສິດທິພາບ
12. ການກະກຽມເຂົ້າຈີ່ເຄັກເຂົ້າໜົມປະເພດອົບ ແລະ ອາຫານຫວານຂັ້ນພື້ນຖານ
13. ການບໍລິການເຄື່ອງດື່ມໃນບາເຫຼົ້າ

ນະໂຍບາຍຕ່າງໆ:

• ນັກສຶກສາແມ່ນໄດ້ຮັບເບ້ຍລ້ຽງ (ສໍາລັບນັກສຶກສາໃນແຜນ).

ສິ່ງອໍານວຍຄວາມສະດວກ:

• ມີຫໍພັກໃຫ້ກັບນັກສຶກສາຍິງ-ຊາຍ
• ມີຫອ້ງຮຽນ
• ຫ້ອງຄົວຝຶກງານ
• ອຸປະກອນການໃຊ້ໃນຫ້ອງຄົວ ແລະ ສະຖານທີ່ຮຽນຕ່າງໆ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ສາມາດແນະນໍາກ່ຽວກັບຫຼັກການພື້ນຖານໃນການປຸງແຕ່ງ
• ກະກຽມ ແລະ ປຸງແຕ່ງອາຫານລາວ-ສາກົນ
• ກະກຽມ ແລະ ປຸງແຕ່ງອາຫານຫວານຂັ້ນພື້ນຖານ
• ວາງແຜນບໍລິການຈັດສົ່ງອາຫານ ແລະ ການຈັດງານລ້ຽງ
• ບໍລິການອາຫານ ແລະ ເຄື່ອງດື່ມ
• ບໍລິການເຄື່ອງດື່ມໃນບາເຫຼົ້າ
• ສາມາດປະກອບອາຊີບຢູ່ຮ້ານອາຫານ ຫຼື ໂຮງແຮມໄດ້
• ສາມາດເປີດຮ້ານອາຫານເປັນຂອງຕົນເອງໄດ້
•  

ວິທີສະໝັກຮຽນ

• ຂັ້ນຕອນທີ 1: ຊື້ຄໍາຮ້ອງສະໝັກເຂົ້າຮຽນດ້ວຍຕົນເອງ.
• ຂັ້ນຕອນທີ 2: ປະກອບເອກສານໃຫ້ຄົບຖ້ວນ ແລະ ຖືກຕ້ອງ.
• ຂັ້ນຕອນທີ 3: ຢືນເອກະສານ ແລະ ສໍາພາດ (ຕາມກໍານົດເວລາ).
• ຂັ້ນຕອນທີ 4: ລໍຖ້າຜົນການສໍາພາດ ແລະ ລົງທະບຽນເຂົ້າຮຽນ.

ເອກະສານປະກອບການສະໝັກຮຽນມີ:

1. ສໍາເນົາໃບປະກາດສະນີຍະບັດຈົບຊັ້ນມັດທະຍົມຕອນປາຍຫຼື ທຽບເທົ່າ·      
2. ໃບຄະແນນ
3. ຊີວະປະຫວັດນັກຮຽນ
4. ໃບຢັ້ງຢືນທີ່ຢູ່
5. ໃບຢັ້ງຢືນສຸຂະພາບ
6. ຕ້ອງມີໃບອະນຸຍາດຈາກກົມກອງ (ກໍລະນີເປັນພະນັກງານ)
7. ສໍາເນົາປື້ມສໍາມະໂນຄົວ 1 ສະບັບ
8. ຮູບຂະໜາດ 3×4 ຈໍານວນ 6 ໃບ (ຖ່າຍບໍ່ເກີນ 3 ເດືອນ)