ສາຂາ ຜູ້ຊ່ວຍຄົວ – ລາຍລະອຽດ

ຄວາມໝາຍ ແລະ ຄວາມສຳຄັນ :

ການຮຽນໃນສາຂາແມ່ນບ້ານ ຄືການຮຽນຮູ້ລະບຽບ ຫຼັກການ ແລະ ການນໍາໃຊ້ເຄື່ອງມືຕ່າງໆ ໃນການຈັດການທຳຄວາມສະອາດ ສະຖານທີ່ຕ່າງໆ ຢ່າງຖືກຕ້ອງ ແລະ ເປັນລະບຽບຮຽບຮ້ອຍ. ຄວາມປະທັບໃຈທຳອິດ ບໍ່ສາມາດສ້າງໄດ້ເປັນເທື່ອທີສອງ ສິ່ງຜູ້ຄົນເຫັນທຳອິດ ບໍ່ວ່າຈະກ້າວຍ່າງເຂົ້າໄປສະຖານທີ່ໃດກໍຕາມ ເຊັ່ນ ໂຮງແຮມ, ຮ້ານອາຫານ, ໂຮງໝໍ ຫຼື ສຳນັກງານຕ່າງ ກໍຄືຄວາມສະອາດງາມຕາຂອງສະຖານທີ່ນັ້ນໆ. ພະນັກງານທຳຄວາມສະອາດ ຫຼື ແມ່ບ້ານ ຄືໝາກຫົວໃຈສຳຄັນທີ່ຊ່ວຍຮັກສາຄວາມສະອາດ ແລະ ຄວາມເປັນລະບຽບຮຽບຮ້ອຍຂອງສະຖານທີ່ດັ່ງກ່າວ.

ຈຸດປະສົງ :

• ໃຫ້ນັກຮຽນໄດ້ຮັບຮູ້ເຖິງການອານາໄມຫ້ອງພັກ, ຫ້ອງນໍ້າ ແລະ ພື້ນທີ່ສາທາລະນະໄດ້ຖືກຕ້ອງຕາມຫຼັກການ.
• ໃຫ້ນັກຮຽນໄດ້ຮັບຮູ້ເຖິງການເຮັດຄວາມສະອາດ, ຄວາມສະດວກສະບາຍ, ຄວາມສວຍງາມ ແລະ ຄວາມປອດໄພພາຍໃນສະຖານທີ່ເຮັດວຽກ.

ເງື່ອນໄຂຜູ້ເຂົ້າຮຽນກ່ຽວຂ້ອງ :

• ຕ້ອງຮຽນຈົບປະຖົມຂື້ນໄປ

ວິຊາທີ່ກ່ຽວຂ້ອງ :

1.   ທິດສະດີ, ປະຕິບັດໃນໂຮງແຮມ ແລະ ປະຕິບັດຢູ່ສະຖານປະກອບການ
2.   ການນໍາໃຊ້ພາສາລາວ
3.   ການສື່ສານໃນບ່ອນເຮັດວຽກ
4.   ການຮັກສາຄວາມປອດໄພທາງດ້ານອາຫານ ແລະ ການປະຕິບັດງານ
5.   ການນໍາໃຊ້ທັກສະຊີວິດ
6.   ພາສາອັງກິດສຳລັບສື່ສານ
7.   ການໃຫ້ຂໍ້ມູນກັບການບໍລິການພາຍໃນສະຖານທີ່ພັກ
8.   ການຊັກ-ລີດຜ້າ ແລະ ເສື້ອຜ້າຂອງແຂກ
9.   ການສະໜອງການບໍລິການດ້ານການຮັກສາໃຫ້ແກ່ແຂກ
10. ການອະນາໄມພື້ນທີ່ສາທາລະນະ
11. ການອະນາໄມຫ້ອງພັກແຂກ
12. ການບຳລຸງຮັກສາອຸປະກອນ ແລະ ສະຖານທີ່ເຮັດວຽກ

ສິ່ງອໍານວຍຄວາມສະດວກ:

• ມີຫໍພັກໃຫ້ນັກຮຽນທັງຍິງ ແລະ ຊາຍ
• ມີຫ້ອງຮຽນ ແລະ ຫ້ອງປະຕິບັດ ພ້ອມດ້ວຍອຸປະກອນເຄື່ອງໃຊ້ໃນການຮຽນເພື່ອລົງມືປະຕິບັດຕົວຈິງ.

ຄວາມຮູ້ ແລະ ທັກສະພາຍຫຼັງການຮຽນຈົບ:

• ສາມາດໃຫ້ຂໍ້ມູນກ່ຽວກັບຫ້ອງພັກໃຫ້ແກ່ແຂກ
• ຮູ້ຂັ້ນຕອນການຊັກລີດເສື້ອຜ້າ
• ການອະນາໄມຫ້ອງພັກຢ່າງຖືກວິທີ
• ສາມາດປະກອບອາຊີບໄດ້ທັງໃນໂຮງແຮມ, ບ້ານພັກ, ຮ້ານອາຫານ…
• ສາມາດປະກອບອາຊີບເປີດຮ້ານຊັກລີດ

ວີທີສະໝັກຮຽນ

–       ຂັ້ນຕອນທີ 1: ຊື້ແບບຟອມການສະໝັກສໍາພາດ ຫຼື ສອບເສັງ.

–       ຂັ້ນຕອນທີ 2: ກອກແບບຟອມສະໝັກ ຫຼື ສອບເສັງ.

–       ຂັ້ນຕອນທີ 3: ຍື່ນໃບສະໝັກສໍາພາດ ຫຼື ສອບເສັງ.

–       ຂັ້ນຕອນທີ 4: ຕິດຕາມການສໍາພາດ ຫຼື ສອບເສັງ.

ເອກະສານປະກອບການສະໝັກຮຽນມີ: 

1. ສໍາເນົາໃບປະກາດຈົບຊັ້ນປະຖົມ 
2. ຮູບຂະໜາດ 2×3 ຈໍານວນ 2 ໃບ (ຖ່າຍບໍ່ເກີນ 3 ເດືອນ)